اخر الأخبار

افضل طريقه لعمل عجينه صيد الاسماك الاندونيسي



العجينه الأندونيسي للصيد النهري

بقلم الزميل / Mohamed Hamdyمن فتره طويله وانا بتابع الصيد عن طريق العجين او مواد مصنعه تشبه العجين بعد اضافه المياه لها بنسب محدده ودي بتكون انتاج شركات صناعيه بنسب معينه ومواد معينه مضافه لثابت الطعم ( العجين ) في المياه اطول فتره ممكنه وده طبعا صعب تطبيقه يدويا حتي لو عرفت المواد المستخدمه لانها بنسب وباضافات مواد صناعيه اخري زي الرائحه المميزه ومواد مثبته واشياء اخري
الجديد حاليا والي موجود ان هواة الصيد في الخارج بستخدموا حاليا نفس الفكره بدون ما يشتروا الطعوم دي وبيعملوها بنفسهم بس بطرق تانيه
العجينه الأندونيسي للصيد النهري

طيب هي ايه الطرق التانيه !!!

اولا الموضوع ده مستخدم والفكره دي من اندونسيا والي عملها مجموعة هواة صيد وشغالين بيها علشان انا عارف حتستغل الفكره بعمل فيديو للتربح وناس حتنسبها لنفسها انا ذات نفسي كان ممكن اعمل كده واقول اختراع انسبه لنفسي بس اديني بقول للناس كلها

مكونات العجينه الأندونيسي

1- جمبري مطحون (مهروس)

2- دقيق ذره

3- باكو اندومي

4- زيت نخيل

الطريقه

حتحطن (تهرس) الجمبري وتضيف عليه دقيق الدره بكميات متساويه وبعدين تحطن الاندومي وضيفها عليهم وتعجن كل ده باستخدام معلقه زيت نخيل حتقولي مافيش زيت نخيل صافي فيه زيوت اصلا فيها زيت نخيل ومكتوب علي العبوه بس مخفف معلقه واحده او اتنين بالكتير وتقوم بعجن المكونات دي كلها علي بعض بالزيت فقط

ادوات الصيد






1- عود صيد اي طول من 4 الي 16 لبرا

2- سنار مقاس 7 المتعارف عليه

3- عوامه او غماز 30 سم الصيني او مايسمي الريشه الصيني المهم يكون خفيف

واخيرا تمتع بصيد العجين بطريقه سهله ومبسطه وثبات يتحمل الرمي مسافات بعيده


ونكرر ان الطريقه دي جايه من اندونيسيا ويرجي ان عدم نسب الموضوع لاي شخص بالأخص اصحاب قنوات الصيد وخصوصا القنوات المتربحه من نشر معلومات عن الصيد
اللهم قد بلغت .. اللهم فاشهد
انها طريقه مميزه جدا جدا و لها عائد كبير فى صيد الاسماك كافه.
التعليقات
0 التعليقات

ليست هناك تعليقات